Rusiyanın İjevsk şəhər sakini hərbi-kosmik sahə ilə bağlı məxfi məlumatları ötürmək üçün xarici diplomatik nümayəndəliklə əlaqə yaratmağa çalışıb.
TASS-ın məlumatına görə, bu barədə Rusiya Federal Təhlükəsizlik Xidmətinin Mətbuat Xidmətindən bildirilib.
“Rusiya Federasiyası Udmurt Respublikasında Federal Təhlükəsizlik Xidmətinin əməkdaşları, hərbi-kosmik sahə ilə bağlı məxfi məlumatları ödəniş müqabilində ötürmək üçün xarici diplomatik nümayəndəliklə əlaqə qurmaq təşəbbüsü ilə çıxış edən İjevsk şəhər sakininin şəxsiyyətini müəyyənləşdirib", - deyə məlumatda bildirilir.
