Mingəçevir və Yevlax şəhərlərində olan suvarma kanalları və digər su hövzələrində reydlər keçirilib.
Reydlərin əsas məqsədi balıqçılıqda qadağan olunan vasitələri aşkarlamaq və bu cür halların qarşısını almaqdır.
Mingəçevir və Yevlax rayonunda yerləşən su hövzələrində reyd keçirilib. 8 saylı Regional Ekologiya və Təbii Sərvətlər İdarəsi, Mingəçevir Su Polisi və Fövqəladə Hallar Nazirliyinin müvafiq struktur əməkdaşlarının birgə iştirakı ilə baş tutan reydin məqsədi qanunsuz balıq ovunun qarşısını almaqdır.
Mingəçevir və Varvara Su Anbarları, həmçinin, Qarabağ və Şirvan suvarma kanallarında aparılan reyd zamanı su hövzəsi qadağan olunmuş balıq ovlama alətlərindən və sintetik torlardan təmizlənib.
Balıqçılıqda istifadəsi qadağan olunan 1500 metrə qədər sintetik tor su hövzələrindən yığışdırılaraq götürülüb. Su Polisi İdarəsinin əməkdaşı Mübariz Mustafayevin sözlərinə görə, reydlər növbəti günlərdə də davam etdiriləcək.
