ABŞ prezidenti Donald Tramp Meksika ilə sərhəddə divar tikintisi işinə kürəkəni və müşaviri Cared Kuşneri rəhbər təyin edib.
Tramp divarın tikintisində heç bir irəliləyiş görmədiyi üçün bu qərarı qəbul etdiyini bildirib. Kuşner mütəmadi iclaslar keçirməli, tikintinin gedişatını izləməli və Trampa məlumat verməlidir. Prezidentin kürəkəni artıq ilk tapşırığını da verib. O, tikintinin aylıq məsafəsini 48 kilometrdən 56 kilometrədək artırıb. Bu templə divarın tikintisinin 2020-ci ilin sonunadək yekunlaşması planlaşdırılır. Kuşner, həmçinin, ABŞ-ın gömrük və srəhəd xidmətinə də prosesi sürətləndirmək üçün təzyiq göstərməyə başlayıb.
Cerad Kuşner Donald Trampın qızı İvanka Trampın həyat yoldaşıdır.
