Türkiyənin Van-Bahçesaray magistralının 33-cü kilometrliyində baş verən təbii fəlakətdən sonra üçüncü uçqun barədə xəbərdarlıq edilib.
Bu barədə “Hürriyyet” xəbər yayıb.
Məlumata görə, həmin ərazidə əlverişsiz hava şəraitinə baxmayaraq axtarış-xilasetmə işləri davam edir. Ancaq dəstək üçün gələn könüllülər ərazidən uzaqlaşdırılır.
Qeyd edək ki, dünən Türkiyədə qar uçqunu nəticəsində qarın altında qalan mikroavtobusdakıların xilas edilməsi üçün aparılan axtarışlar zamanı növbəti faciə baş verib.
Son məlumatlara görə, fəlakət zamanı səkkiz jandarma heyəti, doqquz mülki vətəndaş, üç xilasedici və üç yanğınsöndürənlə birlikdlə 23 nəfər həyatını itirib.
