Türkiyədə son günlər baş verən meşə yanğınlarında ən azı 260 hektar yaşıllığa zərər dəyib. Bunun böyük bir hissəsi meşə ərazisidir. Hazırda nəzarətə götürülməyən iki yanğın nöqtəsi mövcuddur.
Axar.az xəbər verir ki, bu barədə Türkiyənin Kənd Təsərrüfatı və Meşəçilik naziri Bəkir Pakdəmirli məlumat verib. Əsas ərazilərdə alovun söndürüldüyünü bildirən nazir qeyd edib ki, baş verən yanğınların səbəbləri araşdırılacaq.
Qeyd edək ki, dekabrın 23-dən başlayaraq Türkiyənin Trabzon, Gümüşhane, Ordu və Giresun bölgələri olmaqla 15 rayonda 65 nöqtədə yanğın qeydə alınıb. Alov alan yerlər meşə sahələri və fındıq bağlarını əhatə edib. Hökumət, bələdiyyələr və Fövqəladə Halların İdarə Olunması Agentliyi yanğınların söndürülməsi üçün böyük qüvvə sərf ediblər.
