“Məsələn, Aralın quruması səhralaşma prosesi ilə nəticələnib. Amma bu zaman yoluxucu xəstəliklər yaranmadı. Urmiya gölü quruyur. Bu zaman güclü küləyin təsiri ilə qalıq duzlar yarılacaq və ətraf-mühitə güclü təsir göstərəcək".
Bu sözləri "Sherg.az"a açıqlamasında ekoloq Qorxmaz İbrahimli Urmiya gölünün quruması ilə bağlı danışarkən deyib. O gölün qurumasının ekoloji təsirlərindən söz açıb:
"Bu barədə beynəlxalq təşkilatlar tədbir görsələr, yaxşı olar. Amma təəssüflər olsun ki, heç bir halda bu qurumanın qarşısı alına bilməyəcək. Türk dünyasına fars rejminin baxış bucağı fərqlidir. Onlar gölün qurumasında maraqlı kimi görünürlər. Bu dərin və araşdırılmalı mövzudur”.
Ekspert qeyd edib ki, bu vəziyyətlə əlaqədar güclü xəstəliklər yaranmayacaq:
“Səhralaşma həm bitki, həm də heyvan örtüyünə ciddi təsir göstərəcək. Göl ətrafında yaşayan insanların bəziləri otlaq, bəziləri köçəri həyat tərzi yaşayırlar. Əkinçiliyə və tarlalara xeyli zərər verə bilər. Bu mövzuya dırnaqarası yanaşmaq olmaz. Gölün quruması çevrəyə ciddi zərər verəcək”.
Səbinə Elmanqızı
