Ermənistan hökuməti “erməni soyqırımı” məsələsini xarici siyasət gündəmindən çıxarır.
Bunu Ermənistan parlamentinin deputatı Tiqran Abramyan deyib.
O bildirib ki, Ermənistan hökuməti “erməni soyqırımı” məsələsini xarici siyasət gündəmindən çıxarır. Artıq Paşinyan bununla bağlı inkarçı bəyanatlar verir.
Politoloq Zərdüşt Əlizadə "Sherg.az"a deyib ki, sözügedən hadisə Ermənistan-Türkiyə münasibətlərinə müsbət təsir göstərəcək:
“Əgər buna nail olaraq gündəmdən çıxara bilsələr, şər-böhtan kampaniyasına son qoyarlar. Nikol Paşinyan cəsarət taparaq açıq şəkildə prosesi həyata keçirmək üçün çalışır. Soyqrım məsələsindən böyük qüvvələr tərəfindən Türkiyə Cümhuriyyətinə qarşı istifadə olunurdu. Bu isə heç bir hüquqi olmayan iddiadır. Hüquqda belə bir nüans var ki, qanun qəbul edildikdən sonra baş verən hadisələrə aid oluna bilər. Hansıda cinayət törədildiyi an müəyyən iş kəsilə bilər, lakin sonradan verilən qərara əsasən edam hökümü kəsilə bilməz. Sözügedən hadisələr Sovet vaxtında tətbiq edilən qeyri-qanuni hərəkətlər idi. Yəni 1947-ci ildə qəbul olunan soyqrım haqqında qanuna əsasən Türkiyə Cümhuriyyətini ittiham etmək düzgün deyil. Türkiyə bundan haqlı olaraq imtina edirdi və qəbullanmırdı. Erməni diasporu bunu geniş şəkildə tətbiq edərək təzyiq vasitəsi kimi istifadə edirdilər. Amma daha Ermənistan Respublikası gördü ki, bunun onlara heç bir xeyri yoxdur”.
