ABŞ Mərkəzi Bankı - FED-in Federal Açıq Bazar Komitəsinin (FOMC) toplantısı başa çatıb.
fins.az xəbər verir ki, iclasda son 7 ildə ilk dəfə mərkəzləşdirilmiş kreditlər üzrə uçot dərəcəsinin artırılmasına - 0,25%-dən 0,50%-ə çatdırılmasına qərar verilib.
Xatırladaq ki, FED, 2008-ci ilin dekabr ayından bəri faiz dərəcələrini 0% - 0.25% aralığında saxlayır. FED-in bügünki qərarından sonra valyuta birjalarında dolların digər valyutalara nisbətdə bahalaşacağı gözlənilir.
İqtisadçılar uçot dərəcələrinin artırılmasının Azərbaycana da təsirsiz ötüşməyəcyini proqnozlaşdırırlar. Mütəxəssislər bu qərardan sonra Mərkəzi Bankın manatın yüngül devalvasiyasına gedəcəyini anons edirlər.
