İngiltərənin paytaxtı Londonda yaşanan terror hücumunda həyatını itirənlərdən birinin Şimali Kipr Türk Cümhuriyyəti əsilli Ayşa Frade olduğu iddia edilir.
Anası ispan, atası isə Kipr türkü olan 43 yaşlı Ayşa Fradenin 8 və 11 yaşlarında iki qızı vardı... "College London"da ispan dili müəllimi olan Ayşa Portuqaliya əslli İngiltərə vətəndaşı John Frade ilə evli idi...
Ailəsi və sevənlərinin böyük şok yaşadığı hadisədən sonra Ayşa Fradenin Facebook hesabı xatirə səhifəsinə çevrilib.
DƏHŞƏTƏ SALAN GÖRÜNTÜDƏKİ QADIN AYŞA FRADE
"Reuters" xəbər agenliyinin məlumatlarına görə, görüntülərdə avtobusun altında hərəkətsiz şəkildə qalan qadının Ayşa Frade olduğu ifadə olunur. Hücumda indiyə qədər 4 nəfər həyatını itirib, yaralılar arasında 7 nəfərin vəziyyətinin ağır olduğu ifadə olunur.
İngiltərəni qana bulayan hücumun ardından Baş nazir Mey, canlı yayımlanan verilişdə yaralılar arasında 12 Britanya vətəndaşı, fransız şagirdlər, iki Rumıniya, dörd Cənubi Koreya, iki Yunanıstan, bir Almaniya, bir Polşa, bir Çin və bir ABŞ vətəndaşı olduğunu bildirib.
İngiltərədə doğulan təcavüzkarın gizli xidmət orqanı olan "MI5" tərəfindən araşdırıldığı ortaya çıxıb.
Hücumda istifadə edilən avtomobilin kirayəyə götürüldüyü bildirilir. Birmingemdə polis bir sıra ünvana basqın təşkil edib, səkkiz nəfər nəzarətə alınıb. Hücumu terörö təşkilatı - IŞİD-in törətdiyi ehtimal edilir.
