Onlayn qəzet

Digər kateqoriyalar

Quba məzarlığında sümüklər çürüyür

23:17 22.11.2013 Arxiv 451
Qəhrəman Ağayev: “Bu il də şüşə örtük çəkilməsə, məzarlığı tamamilə itirəcəyik”

"Ermənilərin azərbaycanlılara qarşı 1918-ci ildə həyata keçirdiyi soyqırımın şahidi olan Quba məzarlığında vəziyyət çox pis və acınacaqlıdır. Bu il sümüklər üzərinə şüşə örtük çəkilməsə, müvafiq tədbirlər görülməsə, məzarlıqdan əsər-əlamət qalmayacaq”. Bu barədə "Şərq”ə açıqlamasında Quba Memorial Xatirə Kompleksində həyata keçirilən tikinti işlərinin nəzarətçi-tədqiqatçısı Qəhrəman Ağayev bildirib. Onun sözlərinə görə, məzarlıq 2007-ci ildə olduğu kimi, aşkar edildiyi formada qalıb: "İndiyə qədər ərazidə müəyyən sürüşmələr gedib və sümüklərin bəziləri itib. Amma bu il mütləq sümüklərin üzərinə şüşə örtük çəkilməlidir. Bu nə vaxt ediləcək bilinmir. Artıq havalar soyumağa başlayır. Bu il də şüşə örtük çəkilməsə, məzarlığı tamamilə itirəcəyik”. Q.Ağayev məzarlığı çox çətinliklə, icra hakimiyyəti və institutun köməkliyi və primitiv üsullar ilə qoruyub saxladıqlarını vurğulayıb: "Bu nə vaxta kimi belə davam edəcək. Sümüklərdə sürətlə çürümə gedir. Onu qoruyub-saxlamaq imkanına malik deyilik. 2007-ci ildə açılan məzarlıqda 6 il ərzində heç bir iş görülməyib. Oranı nə qədər primitiv üsullarla qorumaq olar? Abidə açıq şəkildə küləyin, yağışın qarşısındadır. Vəziyyət çox pisdir”. Q.Ağayevin məzarlığın ermənilərin azərbaycanlılara qarşı etdikləri soyqırımını açıq şəkildə dünya ictimaiyyətinə göstərən yeganə soyqırım abidəsi olduğunu da əlavə edib: "Bəzən ermənilər həmin məzarlıqda yatanların azərbaycanlılar yox, erməni olduğuna dair fikirlər səsləndirirlər. Məzarlıq dağılsa, ermənilər sabah deyəcəklər ki, burada bir kompleks tikdilər, amma məzarlığı basdırdılar. Çünki orada yatan ermənilər idi. Ona görə də məzarlığın kompleksə köçürülməsinin tamamilə əleyhinəyəm”. Tədqiqatçı onu da qeyd edib ki, məzarlığın yaxınlığında inşa olunan "Soyqırım memorial kompleksi”ndə tikinti işləri başa çatıb: "Azərbaycan prezidenti İlham Əliyev kompleksin rəmzi açılışını göstərən lenti də kəsdi”.


Oxşar xəbərlər

post-slider
Sabah Bakıya arabir yağış yağacaq
12:48 05.01.2025
post-slider
Günün qoroskopu: enerjiniz yüksək olacaq
05:57 02.01.2025
post-slider
Bəzi magistral yollarda görmə dumana görə məhdudlaşacaq
04:54 31.12.2024
post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024

Xəbər lenti

Hamısına bax