İyunun 16-18-də NATO-nun Bakıda keçiriləcək Rose-Roth seminarında Ermənistan nümayəndə heyətinin iştirakı gözlənilir.
Bununla bağlı, Aktual.az-a açıqlama verən Qarabağ Azadlıq Təşkilatının (QAT) sədri Akif Nağı bildirib ki, ermənilərin bu tədbirdə iştirakına imkan verilməyəcək: "Bəyan edirəm ki, bir nəfər erməni belə o tədbirdə iştirak edə bilməz. Bakıya gəlməsinlər! Gəldikləri halda peşman olacaqlar. Şəraitə uyğun olaraq, istənilən formada onların Bakıya gəlməsinin qarşısını alacağıq”.
Məlumat üçün qeyd edək ki, erməni mətbuatına açıqlama verən Naqepityan rəsmi Bakı ilə təhlükəsizliklərinin təmin olunması üçün hələ də danışıqların davam etdirildiyini bildirib. Onun sözlərinə görə, erməni deputatlar iyunun 15-də Bakıya gəlməyi planlaşdırırlar.
