Belçikada, orta məktəbi bir il yarıma bitirən 8 yaşındakı uşaq universitetdə oxumağa başlayacaq. Sherg.az Türkiyə KİV-ə istinadən bildirir ki, Simonsun ailəsi uşağın IQ səviyyəsinin 145 olduğunu deyib.
Laurent adlı oğlan uşağının atası deyib ki, oğlu nə qərar versə, onlar üçün problem deyil.
Belçikanın RTBF radiosuna danışan Simons, ən çox sevdiyi fənnin riyaziyyat olduğunu, daha əvvəl həkim və ya astronom olmaq istədiyini söyləyib. Uşaq indi marağının komputer elminə yönəldiyini qeyd edib.
Liseydən məzun olan Simons, iki aylıq tətildən sonra universitet təhsilinə başlayacaq.
Laurentin atası, oğlunun digər uşaqlarla və oyuncaqlarla oynamadığını söyləyib.
