Gəncədə dəm qazından zəhərlənmə olub.
APA-nın qərb bürosunun verdiyi məlumata görə, şəhərin Yeni Gəncə qəsəbə sakini 1985-ci il təvəllüdlü Səidə İsmayılova və onun övladları 10 yaşlı Səma və 5 yaşlı Aynur dəm qazından zəhərlənmə əlamətləri ilə Gəncə şəhər Təcili Tibbi Yardım xəstəxanasına yerləşdirilib. Onlara dərhal tibbi yardım göstərilib. Vəziyyətlərinin orta ağır olduğu bildirilir.
Məlumata görə, ana və iki övladı yaşadıqları evdə qaz sobasından çıxan dəm qazından zəhərləniblər.
