Dünən Fransanın Kantal əyalətinin Mirial şəhərində bal arısından ibarət sürü 90 yaşı qadına hücum edib və arılar onu 200 dəfə sancıb.
"Sherg..az" "Lefigaro.fr"ə istinadən xəbər verir ki, kütləvi arı sancması nəticəsində yaşlı şəxs huşunu itirib.
Xilasetmə qrupları və tibbi yardım gələnə qədər bir neçə şəxs yaşlı adamı arıların hücumundan xilas etmək istəsə də, bunun öhdəsindən gələ bilməyiblər. Arılar köməyə gələn xanımı 80 dəfə sancıb. Digər bir kişini isə üz nahiyəsi və başından 60 dəfə sancıb. Arıların 200 dəfə sancdığı ağbirçək qadının durumu son dərəcə ağırdır. Arılar köməyə gələn 4 -cü vətəndaşı da sancıblar və o qaçaraq canını qurtara bilib. Qalan 3 nəfər isə hazırda xəstəxanaya yerləşdirilib.
Tərcümə etdi:Ayyət ƏHMƏD
