İraqın paytaxtı Bağdadda növbəti partlayış törədilib.
APA-nın TASS agentliyinə istinadən verdiyi məlumata görə, şəhərətrafında minalanmış avtomobilin partlaması nəticəsində azı 7 nəfər ölüb, 15 nəfər yaralanıb.
Bununla belə, İŞİD terror qruplaşması yanvarın 11-də Bağdadda ticarət mərkəzində baş vermiş insidentə görə məsuliyyəti öz üzərinə götürüb.
İlkin məlumata əsasən, əvvəl ticarət mərkəzinin qarşısında minalanmış avtomobil partladılıb. Sonra isə silahlılar içəri daxil olaraq ticarət mərkəzində olan 20- dən 50-dək insanları girov götürüblər. Hadisə nəticəsində azı 18 nəfərin öldüyü bildirilir.
İraqda iki partlayış: 20 ölü
İraqın Mikdadiyə şəhərində törədilən iki partlayış nəticəsində azı 20 nəfər ölüb.
APA-nın "Reuters” agentliyinə istinadən verdiyi məlumata görə, əvvəl terrorçu-kamikadze üzərindəki partlayıcı qurğunu işə salıb, daha sonra şəhərdə minalanmış avtomobil partladılıb.
Hadisə zamanı azı 50 nəfərin yaralandığı bildirilir.
Qeyd edək ki, Mikdadiyə paytaxt Bağdaddan 80 km şimal-şərqdə yerləşir.
