Bakıya yeni hərbi prokuror təyin edilib.
Trend-in məlumatına görə, bu barədə Baş prokuror Zakir Qaralov əmr imzalayıb.
Ədliyyə polkovniki Rzayev İlyas Ramiz oğlu Azərbaycan Respublikası Baş prokurorunun 03.07.2019-cu il tarixli əmri ilə Bakı hərbi prokuroru vəzifəsinə təyin olunub, bundan əvvəl o, Azərbaycan Respublikası Hərbi Prokurorluğunun Silahlı Qüvvələrin təhqiqat orqanları və əsgər dustaqxanalarında qanunların icrasına nəzarət şöbəsinin rəisi vəzifəsində qulluq keçib.
Faktı Respublika hərbi prokurorunun böyük köməkçisi, Hərbi Prokurorluğun Mətbuat Xidmətinin rəhbəri, ədliyyə müşaviri Firad Əliyev Trend-ə təsdiq edib.
Xatırladaq ki, iyunun 21-də keçmiş Bakı hərbi prokuroru ədliyyə polkovniki Əhmədov İmran Ələsgər oğlu Baş prokurorun əmri ilə Lənkəran hərbi prokuroru vəzifəsinə təyin olunub.
