"Bu gün Azərbaycanda Ümummilli Lider Heydər Əliyevin anım günü qeyd olunur. Düz 12 il bundan öncə Ulu Öndər cismən bizi tərk etdi. Əminəm ki, Onun əziz xatirəsi milyonlarla insanın qəlbində daim yaşayacaq. Həmçinin Ümummilli Lider milyonlarla insana yaşamağın nümunəsinin necə olduğunu göstərdi”. Bunu Azərbaycan Prezident Administrasiyasının rəhbərinin müavini, xarici əlaqələr şöbəsinin rəhbəri Novruz Məmmədov keçirdiyi mətbuat konfransında deyib.
PA rəsmisinin sözlərinə görə, Ümummilli Lider tarixi şəxsiyyət idi: "Ulu Öndər XX əsrin sonu, XXI əsrin əvvəlinin ən mühüm dövlət və siyasi xadimlərindən biri idi. Tale elə yazdı ki, o ölkəmizin rəhbəri oldu. Bugünkü Azərbaycan Ümummilli Liderin ölkə xalqına bir yadigarıdır. Bunun da əsas səbəblərindən biri odur ki, o öz xalqını, Azərbaycanı çox sevirdi. Biz Ulu Öndərə inanırdıq. Bu gün də Heydər Əliyevin qoyduğu yol uğurla davam etdirilir. Bu, ən düzgün yoldur. Əgər bu gün Suriyaya, Liviyaya, İraqa, Əfqanıstana və s. nəzər salsaq görərik ki, biz ən mürəkkəb dövlətlərin maraqlarının toqquşduğu bir regionda yerləşirik. Ümummilli Lider öncədən Azərbaycanın inkişaf edəcəyini bilirdi. Heç şübhəsiz ki, Dağlıq Qarabağ da bizimdir və bizim də olacaq”.
İsmayıl
