Fransada "Bouches-du-Rhône" (Buş du Ron) vilayətindəki Ber gölü yaxınlığında yaşayan 3 müxtəlif ailənin 3 qız övladı fiziki qüsurla doğulub.
Sherg.az"ın "lepoint.fr"ə istinadən xəbərinə görə, «Le Parisien » qəzetinin üzə çıxardığı bu faktda qeyd olunur ki, həmin uşaqlar dünyaya qolsuz gəliblər. Bu qızlar 2016-cı ilin iyun, avust və noyabr aylarında anadan olublar.
Bununla bağlı həmin uşaqlaarın valideynləri Fansa səhiyyə naziri Anye Büzinə müraciət ediblər və nazirdən həyacan təbili çalaraq bu halın qarşısınının alınmasını tələb ediblər. O da bu arzuolunmaz xəstəliyə səbəb olan halların araşdırılması istiqamətində ciddi tapşırıqlar verib. Ancaq bu qüsuru yaradan amillər, səbəblər hələ ki, dəqiq bilinmir.
Fransa səhiyyəsi onu yaradan amilləri araşdırıb, ortaya çıxarmağa müəssər ola bilməyib. Lakin alimlərin və yüksək dərəcəli tibb personalının ümumi rəyi ondan ibarətdir ki, bu yalnız ekoloji çirklənmə və şüalanma ilə ilə bağlı ola bilər. Çünki 2017 ci ildə aparılmış araşdırmalara görə, Ber gölü yaxılığında yaşayan insanlar digər ərazilərdə məskunlaşanlardan daha çox xəstələniblər.Bu üç qızclğazın da ailəsi həmin çirkləndirici sənaye sahələrinin yaxınlığında yaşayıblar, hazırda da yaşayırlar.
Tərcümə etdi: Ayyət Əhməd
