Milli Məclisin bugünkü iclasında deputat Fazil Mustafa millət vəkillərinin hüquq və səlahiyyətlərinin artırılmasını, onların qanunların icrasına nəzarət mexanizmində rol almasının vacib olduğunu deyib.
Sherg.az –ın xəbərinə görə, millət vəkili deyib ki, deputatlar məhkəmə-hüquq islahatları prosesinə cəlb edilməlidirlər:
"Prezident İlham Əliyev iqtisadi sahədə islahatlar həyata keçirir. Deputatların bu islahatlara dəstək vermək təmayülü hiss olunmur. Bu barədə düşünməyin zamanıdır. Parlamentin iclaslarda iştirak etməyimiz vacibdir. Amma düşünürəm ki, əsas ağırlığı məhsuldar çalışmağa yönəltmək lazımdır”.
Deputata cavab olaraq spiker Oqtay Əsədov deyib ki, nizam-intizam olmasa, məhsuldar iş də olmaz:
"Milli Məclisin Daxili Nizamnaməsində də qeyd edilib ki, deputatlar əsasən gündəlik ətrafında çıxış etməlidirlər. Xahiş edirəm, bu məsələləri "Deputatın statusu haqqında” qanununa dəyişiklik layihəsi müzakirə edilərkən qaldırın”.
Anar
