Bodrumda, xoşbəxtliyin maneə tanımadığını göstərən fiziki əngəlli 41 yaşlı Vedat Ergüven ilə 32 yaşlı Sibel Kahraman öz arzularına qovuşdu. Nikahdan əvvəli əl-ələ Bodrumu gəzdilər, ətrafdan alqış aldılar.
İki il əvvəl bufet açan, anadangəlmə fiziki əngəlli olan Vedat Ergüven ilə 9 ildir birlikdə olduğu və 3 il əvvəl nişanlandığı Sibel Kahraman ən xoşbəxt günlərini yaşadı. Ailəlilərinin izdivaca qarşı çıxmasına baxmayaraq eşqlərindən imtina etməyən cütlük, hər kəsi razı salaraq səbirsizliklə gözlədikləri o günə qovuşdu. Nikahdan əvvəl, gəlin və bəylik paltarlarıyla şəhəri gəzən cütlük, xoşbəxt olduqlarını vətəndaşlarla paylaşdı.
Əlini bir an da olsun buraxmadığı Sibeli öpüşlərə qərq edən Vedat Ergüven, "Təxminən doqquz ildir tanış olduğum Sibel ilə evlənməmizə ailələrimiz illərcə mane olmağa çalışdı, icazə vermədi. Sonunda bizim eşqimiz qalib gəldi. Sibel ilə bir-birimizi buraxmayacağımızı, ayrılmayacağımızı anlayınca onlar da razı oldular. Bizə dəstək oldular. Bundan sonra da xoşbəxt və dinc yaşamağı düşünürük. Bütün əngəlli qardaşlarıma səslənirəm. Heç bir əegəlli evdə qalmasın, həyata atılsın. Qətiliklə evlənməkdən qorxmasınlar. Həyat o qədər gözəl ki. İki qardaşım da əngəllidir mənim kimi. Onların da çox xoşbəxt evlilikləri var. Əngəl ayaqda, qolda deyil, beyindədir. Yetər ki, ürəklər, könüllər əngəlli olmasın, gözəl olsun” deyə bildirir. Heç bir zaman Ergüveni əngəlli olaraq görmədiyini ifadə edən Sibel, "Çünki onun ürəyində, beynində və insanlığında problem yoxdur. Heç bir çətinliyi, heç bir maneəsi yoxdur. 24 saat bufetdə bərabər olduq, həmişə bir-birimizə dəstək olduq, çox xoşbəxtik. Bu xoşbəxtlik bu gün min qat daha artacaq. Mən ailəmə, "ölərəm məni Vedatdan ayıra bilməzsiniz” demişdim. Bu gün bu xoşbəxt günə çatdıq” deyir.
