Bu gün Fələstin xarici işlər naziri Riyad əl-Maliki Beynəlxalq Ceza Məhkəməsini (BCM)fələstinlilərə qarşı törədilən döyüş cinayətləri ilə bağlı dərhal istintaq açmağa çağırıb.
"Sherg.az" "Lefigaro.fr"ə istinadən xəbər verir ki, Riyad əl-Maliki Haaqa məhkəməsinin qərargahında BCM-nin xanım prokuroru Fatu Bensuda ilə görüşüb.
O bildirib ki, bir saat davam edən görüş genişmiqyaslı və sistemli cinayətlərdən əziyyət çəkən Fələstin xalqı üçün ədalətə doğru "mühüm və tarixi bir addımdır"
Qeyd edək ki, 2014-cü ilin yayında Qəzza zolağında baş verən döyüşlərdən sonra BCM Fələstin ərazisində İsrailin törətdiyi cinayət hadisələri ilə bağlı istintaqa başlayıb.
Tərcümə etdi: Ayyət ƏHMƏD
