ABŞ prezidentliyinə namizəd Donald Trampın bu dəfəki çıxışı da səs- küy doğurub. Cənubi Karolina ştatının Rok-Hill şəhərində təşkil olunan seçkiqabağı mitinqindən hicablı qadın qovulub.
Donald Trampın çıxışı zamanı üzərindəki geyimdə "Mən sülhlə gəlmişəm” yazısı olan 56 yaşlı hicablı qadın ona etiraz edib.Etiraza səbəb isə Trampın suriyalı qaçqınlar barəsində səsləndirdiyi kəskin ifadələr olub.
Qadın etirazını səssiz şəkildə etsə də mitinq iştirakçıları onu fitə basıb.Nəticədə fitə basılan qadın polis tərəfindən ərazidən uzaqlaşdırılıb. Ümumiyyətlə tez tez qalmaqallı çıxışları ilə gündəmə gələn Tramp müsəlmanlara olan antipatiyasını açıq aşkar biruzə verir.(anspress)
Prezidentliyə namizəd bir müddət əvvəl Somalidə qiyamçı Əl-Şəbabın yaydığı videodan sonra yenidən müsəlmanların ABŞ-a daxil olmasına qarşı çıxış edib. O qeyd edib ki, bu mövqeyinə görə, insanlar hətta ona minnətdarlıq edirlər. Sözsüz ki,Trampın müsəlmanlarla bağlı bu çıxışı İslam ölkələri tərəfindən kəskin etirazlara səbəb olmuşdu.
