Xalq artisti İlahamə Quliyevanın oğlu Orxan Nadirov saxlanıldığı barədə xəbərə münasibət bildirib.
O, Lent.az-a açıqlamasında hava limanında polis tərəfindən saxlanılması xəbərini yalanlayıb: "Səhərdən hər kəs məni yığır. Bilirəm, indi siz də ona görə zəng etmisiniz. Sizcə, indi mən polisdə olsaydım, telefonla necə danışa bilərdim? İndi üç dostumla oturub çay içirik. Elə xəbəri də internetdə oxuyub xeyli güldük. Bu, şayiədən başqa bir şey deyil. Bu xəbəri kimin yaydığını isə hələ bilmirik. Araşdırılandan sonra mətbuata açıqlama verəcəm”.
***
15:38
Xalq artisti İlhamə Quliyeva oğlu Orxan Nadirov və onun tanışı Vüqar Bəşirovun H.Əliyev adına Bakı Beynəlxalq Hava Limanında saxlanması xəbərindən danışıb. Lent.az-a açıqlama verən İ.Quliyeva bildirib ki, məlumat yalandır: "Bu xəbər mənim oğluma, ümumiyyətlə, bizim ailəmizə olan böhtandır. Bu işin başında kimlərin durduğu da mənə məlumdur. Bu, keçmiş qulluqçum Mehriban Hüseynovanın adamlarının işidir. Onlar bu cür şayiə yayıblar. Hazırda oğlum Orxan yanımdadır. Özü də bu məlumata gülür. Allah bu şayiəni yayanlara ağıl versin”.
Xatırladaq ki, xalq artisti İlhamə Quliyevanın oğlu Orxan Nadirov və onun tanışı Vüqar Bəşirovun H.Əliyev adına Bakı Beynəlxalq Hava Limanında saxlanılması xəbərini musavat.com saytı yayıb. Məlumata görə, xaricdən ölkəyə gələn Orxan Nadirovla Vüqar Bəşirovun saxlanılmasının səbəbi hələlik məlum deyil. Hər iki şəxs Binəqədi Rayon Polis İdarəsinin əməkdaşlarına təhvil verilib.
