Həyatını itirən 9 suriyalı mühacirin cənazəsi İzmirin Bayraqlıdakı kimsəsizlər qəbiristanlığında torpağa tapışırıldı. Al Jazeera Türk, İzmirdə həyatını itirən mühacirlərin cənazə mərasiminə gedib. Suriyalı mühacirlərin dəfn mərasiminə imamdan başqa kimsə qatılmır.
35 ildir imamlıq edən Əhməd Altan, ən çətin vəzifələrdən birini yerinə yetirməkdədir. Qarşısındakı cənazə 2 yaşındakı uşağa aiddir. O, ailəsiylə birlikdə ümid səfərinə çıxan suriyalı bir mühacirdir. Rəsmi sənəddə haqqında yazılan qeyd ‘şəxsiyyəti naməlumdur” ...
Altan, cənazəsiylə tək qalıb... Arxasında namaza duran heç bir camaat yoxdur. Dua etməkdə çətinlik çəkir. Cibindən çıxardığı kağız dəsmalla gözyaşlarını silir. Duaya keçməzdən öncə İmam Altanın ağızından tək bir cümlə çıxır: Uşaq olmasına dözmək dəhşətdir.
8 cənazə yenə də var. Onlar da camaatsız... Saf tutanlar, kürək verənlər də imamlar, qəbiristanlıq vəzifəliləridir. Haqqlarında yaşları və səfərlərinin harada bitdiyindən başqa heç bir məlumat yoxdur. Cansız bədənləri Bulaq, Dedim və Kuşadasında tapılıb. Yunanıstanın Saqqız adasına keçmək istəyərkən boğularaq həyatlarını itiriblər. 9 suriyalı mühacirin cənazəsi Doğançay qəbiristanlığında dəfn edildi.
