Rusiya prezidenti Vladimir Putin İnquşetiyanın prezidenti səlahiyyətlərini seçkilər keçirilənə qədərlik müddət üçün, bu ölkənin prokuroru Mahmud Əli Kalimatova həvalə edib.
Sherg.az-ın xəbərinə görə, qərar İnquşetiyanın prezidenti Yunusbəy Yevkurovun istefasından sonra verilib.
Qeyd edək ki, istefaya gedən prezident Yevkurovun namizədliyi 2008-ci ildə Rusiyanın ovaxtkı prezidenti Dmitri Medvedyev tərəfindən irəli sürülmüşdü. Həmin vaxt İnquşetiya parlamenti tərəfindən prezident seçilən Yunusbəy Yevkurov ötən gün istefaya gedib. Çeçenistan ilə sərhəd problemləri yaşayan İnquşetiya ötən il, Çeçenistanla sərhəd müqaviləsi imzalamışdı. İnquşetiya müxalifəti bu müqaviləyə qarşı sərt münasibət göstərdiyinə görə, küçə hərəkatı başlamışdı. Hökumət ilə problemlər yaşayan Yevkurovun səlahiyyət müddəti 2023-cü ildə başa çatacaqdı. Amma o müddətin başa çatmasına 4 il qalmış istefa verib.
Anar
