Tehran BMT Baş katibi Antonio Quterreşə koronavirusla mübarizə aparmaq üçün ABŞ-ın İrana qarşı sanksiyalarının ləğv edilməli olduğu barədə mövqeyini çatdırıb.
Axar.az xəbər verir ki, bunu İran Xarici İşlər Nazirliyinin rəsmisi Abbas Musəvi deyib.
“İran Xarici İşlər naziri Məhəmməd Cavad Zərif BMT Baş katibinə göndərdiyi məktubda göstərdi ki, koronavirusla mübarizə aparmaq üçün ABŞ tərəfindən ölkəyə qarşı tətbiq edilən birtərəfli və qanunsuz sanksiyalara son qoyulmalıdır. Məktubun surəti beynəlxalq təşkilatların rəhbərləri və bütün ölkələrin XİN başçılarına göndərilib”, - Musəvi bildirib.
