"Son illərdə respublika fənn olimpiada qaliblərinin ali məktəblərə qəbul zamanı topladığı bal 640-650, riyaziyyat fənni üzrə isə hətta 690 olub".
ONA-nın xəbərinə görə, bunu Təhsil İnstitutunun İstedadlı uşaqlarla iş şöbəsinin müdiri Fuad Qarayev deyib.
O qeyd edib ki, Azərbaycandan fərqli olaraq, Avropada, Şimali və Cənubi Amerikada və digər ölkələrdə humanitar fənlər üzrə olimpiadalar keçirilmir: "Bu, keçmiş Sovet İttifaqından bizə miras qalıb. Adətən olimpiadalar dəqiq fənlər üzrə keçirilir".
