ABŞ prezidenti Barak Obama ABŞ-la İran arasındakı son 24 saatlıq tarixi münasibətlər barədə danışaraq deyib ki, güclü Amerika diplomatiyası sayəsində nüvə razılaşması həyata keçirilib və İranda həbsdə olan 5 amerikalı azadlığa buraxılıb.
Hər iki ölkə məhbus mübadiləsini dünən elan edib.
Bundan dərhal sonra Vaşinqton təsdiq edib ki, sanksiyalar nəticəsində İranın dondurulan milyardlarla dolları "İyul - 2015 nüvə sazişi"nin tam tətbiqindən sonra sərbəst buraxılacaq.
"Hazırda İranın hətta bir bomba istehsal etmək üçün belə yetərli materialı yoxdur" - deyə Obama bildirib.
Prezident Obama ABŞ Maliyyə Nazirliyinin bu gün Tehranın ballistik raket proqramı ilə əlaqəsi olan 5 iranlı fərdə və bir neçə şirkətə qarşı yeni sanksiyaların tətbiqini etiraf edib.
"Nüvə razılaşması heç zaman İranla aramızdakı fikir ayrılıqlarının tam aradan qaldırılması anlamı daşımayıb" - deyə prezident bildirib.
"Biz bu sanksiyaların tətbiqini davam etdirəcəyik. Biz bu məsələdə həssasıq" - deyə prezident Barak Obama qətiyyətlə bildirib.
