Bakı şəhəri Xətai rayonunun bir qrup sakinləri “Azərsu” Açıq Səhmdar Cəmiyyətindən şikayətçidirlər.
Bu barədə Lent.az -a onlar müraciətlərində bildiriblər. Müraciətdə iddia olunub ki, qurum əməkdaşları su sayğaclarının qoyulması üçün hər ailədən 30 AZN tələb edirlər, ancaq qanunla bu xidmət pulsuz göstərilməlidir.
Mövzu ilə bağlı “Azərsu” ASC-nin mətbuat xidmətindən Lent.az -a bildirilib ki, əhali qrupu istehlakçıları üçün texniki şərtin verilməsi və sayğacın quraşdırılması ödənişsizdir:
“Tərəfimizdən sözügedən məsələ ilə bağlı ciddi araşdırma aparılacaq”.
