ABŞ prezidenti Donald Tramp və Rusiya prezidenti Vladimir Putin geniş mövzularda, o cümlədən Ukrayna və Suriya münaqişələrinin həlli yolları haqda danışacaqlar.
Modern.az xəbər verir ki, bu barədə "Bloomberg” agentliyinə ABŞ-ın vitse-prezidenti Maykl Pens açıqlama verib.
Pens Suriya və Ukrayna ilə yanaşı, ölkə seçkilərinə rusların müdaxiləsini də gözdən keçirəcəklərini deyib.
"Düşünürəm ki, bir çox məsələlər müzakirə olunacaq. Tramp seçkilərə müdaxilə məsələsini bundan öncə də müzakirə etmişdi və yenə məsələni qaldıracaq”.
O, Rusiyanın G7-yə dönmək ehtimalına dair açıqlama verməyib.
Putinlə Trampın iyulda NATO sammiti zamanı görüşəcəkləri ehtimal olunur.
