Onlayn qəzet

Digər kateqoriyalar

Sosial Tədqiqatlar Mərkəzinin kollektivi ilə ADA Universitetində görüş

10:10 25.07.2019 Arxiv 303
ADA Universitetində Sosial Tədqiqatlar Mərkəzinin (STM) kollektivi ilə görüş keçirilib.

Mərkəzin mətbuat xidmətindən "Sherg.az"a verilən məlumata görə, görüşdə STM İdarə Heyətinin sədri, Milli Məclisin deputatı Zahid Oruc rəhbərlik etdiyi qurumun missiyası, vəzifələri, fəaliyyət istiqamətləri və formalaşmaqda olan kollektivi haqqında ətraflı məlumat verib. Qeyd edib ki, Prezident İlham Əliyev ölkədə dövlət-vətəndaş münasibətlərinin daha da təkmilləşməsinin vacibliyini nəzərə alaraq, Sosial Tədqiqatlar Mərkəzinin yaradılması haqqında Fərman imzalayıb.
Dövlətimizin başçısı Azərbaycanda cəmiyyət və dövlət arasında mövcud olan etimad və dialoqun möhkəmləndirilməsinin başlıca istiqamətlərindən olan ictimai rəy institutunun ən müasir dünya təcrübəsi əsasında formalaşdırılmasını, bu sahənin elmi ənənəyə çevrilməsini zəruri hesab edib. İctimai rəy nümunəsində dövlət quruculuğu işinə bütün cəmiyyətin fəal cəlb olunması STM-nin görəcəyi işlərin əsas xəttini təşkil edəcək.

ADA Universitetinin rektoru, səfir Hafiz Paşayev istənilən sahədə yeni fəaliyyət qurulmasının çətin, eyni zamanda, şərəfli olduğunu vurğulayıb.
Bu sahədə ADA Universitetinin keçdiyi yol və əldə etdiyi təcrübə haqqında fikirlərini bölüşüb, peşəkar kadrların cəlb edilməsinin, tədqiqatçı kollektivin formalaşmasının vacibliyini vurğulayıb.
Hafiz Paşayev cəmiyyət həyatında müxtəlif sahələrin uğurlu inkişafının müəyyən edilməsində ilk olaraq ictimai rəyin öyrənilməsinin vacibliyini vurğulayıb.
Bu baxımdan kadr hazırlanmasında ən fundamental sosial institut olan təhsil sahəsinin strateji istiqamət kimi diqqət mərkəzində saxlanılmasını tövsiyə edib. ADA Universitetində təhsillə bağlı sosioloji sorğulara böyük əhəmiyyət verildiyini, bəzi mövzular üzrə universitetdaxili ictimai rəy sorğuları keçirildiyini diqqətə çatdırıb.
Hafiz Paşayev Azərbaycanda kadr hazırlığında, məktəbli və gənclərin gələcək peşə, ixtisas seçimində təhsil mühitinin əvəzsiz rolunu qeyd edib. Qabaqcıl dünya təcrübəsində ixtisas seçiminin məktəb yaşlarından: zamanın çağırışlarını nəzərə almaqla, ilk növbədə, istedad və qabiliyyəti aşkara çıxarmağa imkan verən təhsil/məktəb mühitinin formalaşdığını vurğulayıb. ADA Universitetinin rektoru STM-lə bu istiqamətdə birgə tədqiqat layihəsinin həyata keçirilməsini də tövsiyə edib.
Görüşdə rektor Hafiz Paşayev STM əməkdaşlarının suallarını cavablandırıb, müxtəlif məsələlər ətrafında müzakirələr aparılıb.

Oxşar xəbərlər

RƏZALƏT: Ermənistana yanacaq daşıyan azərbaycanlılar - VİDEO
RƏZALƏT: Ermənistana yanacaq daşıyan azərbaycanlılar - VİDEO
16:38 05.11.2025
"Range Rover" 55 ildən sonra loqosunu yenilədi
"Range Rover" 55 ildən sonra loqosunu yenilədi
01:40 11.07.2025
Sabah Bakıya arabir yağış yağacaq
Sabah Bakıya arabir yağış yağacaq
08:48 05.01.2025
Günün qoroskopu: enerjiniz yüksək olacaq
Günün qoroskopu: enerjiniz yüksək olacaq
01:57 02.01.2025
Bəzi magistral yollarda görmə dumana görə məhdudlaşacaq
Bəzi magistral yollarda görmə dumana görə məhdudlaşacaq
00:54 31.12.2024
Faktiki hava açıqlanıb
Faktiki hava açıqlanıb
05:36 08.07.2024

Xəbər lenti

Hamısına bax