"Real Madrid"li ulduz futbolçu Kristiano Ronaldonun forması təqaüdçü oldu. Portuqaliyalı futbolçunun hələ uşaqkən formasını geydiyi, futbola addım atdığı klubu olan "El Andorinha", 30 yaşlı oyunçuyla əlaqədar qeyri-adi bir qərar verdi.
Klubun idarə heyəti yığıncağından çıxan qərara görə, bundan sonra Kristiano Ronaldoya hörmət olaraq komandada 7 nömrəli forma istifadə edilməyəcək. 8-10 yaşları arasında iki il bu klubda forma geyən Ronaldo Portuqaliyanın qürur duyulacaq adıdır.
