Hər kəsi bir otağa toplayıb, yeni bir razılaşma imzalamaq istəyərəm.
Axar.az xəbər verir ki, bu sözləri ABŞ Prezidenti Donald Tramp Yaxın və orta mənzilli raketlərlə bağlı müqavilə (İNF) barədə çıxışında deyib.
O, 1987-ci ildə imzalanan razılaşmanın Rusiya-ABŞ strukturuna zidd olduğunu bildirib və Çinin də daxil olduğu yeni müqavilənin imzalanmasının tərəfdarı olduğunu bəyan edib.
"Müttəfiqlərimizə və kənardakı qoşunlarımıza birbaşa təhdid yaradan raket sistemlərini gizli şəkildə inkişaf etdirən Rusiya çox uzun zamandır Yaxın və orta mənzilli müvə müqaviləsini pozurdu və bu vəziyyət cəzasız qalırdı", - Tramp qeyd edib.
Tramp sözügedən məsələdə yalnız olmadıqlarını deyib: "NATO-dan olan müttəfiqlərimiz bu məsələdə bizi dəstəkləyir. Çünki onlar Rusiyanın yaratdığı təhdidi dərk edirlər".
Qeyd edək ki, ABŞ tərəfi İNF-lə bağlı öhdəliklərdən imtina etdiyini və yaxın 6 ay ərzində müqavilədən rəsmən çıxacağını bəyan edib.
