Tunisin paytaxtı Tunisdə bu gün arxa-arxaya iki partlayış baş verib.
Sherg.az "Reuters”ə istinadən bildirir ki, ilk partlayış şəhərin mərkəzində, Çarles de Qaule küçəsində hərəkətdə olan bir polis maşının qarşısında baş verib.
Belə ki, terrorçu kamikadze polis avtomobilinin qarşısında özünü partladıb. İki polis və üç mülki şəxs yaralanıb.
Tunisin Daxili İşlər Nazirliyi bir neçə dəqiqə sonra isə polis bölməsini hədəf alan daha bir kamikadzenin özünü partlatdığını açıqlayıb. İdarədəki partlayış nəticəsində bir polis ölüb, 4-ü yaralanıb.
Partlayışların paytaxtın "ürəyi”ndə baş verdiyi qeyd edilir. Birinci partlayışın baş verdiyi ərazinin Fransanın Tunisdəki səfirliyinin 150 metrliyində olduğu vurğulanıb. "Reuters”ə danışan şahidlər partlayış səsinin bütün paytaxtın hər yerindən eşidildiyini söyləyiblər.
Anar
