"Yaxın vaxtlarda Bakıda hərbi-texniki əməkdaşlığa dair Azərbaycan-Ukrayna hökumətlərarası komissiyasının iclası keçiriləcək”.
APA-nın xəbərinə görə, bunu Ukraynanın Azərbaycandakı səfiri Aleksandr Mişşenko deyib.
O bildirib ki, Ukraynadan Azərbaycana böyük nümayəndə heyəti gələcək:
"Hərbi-texniki sahə bizim dərin əməkdaşlığımızın, münasibətlərimizin indikatorudur. Bütün zamanlarda hərbi-texniki əməkdaşlıq ölkələrimiz arasında münasibətlərdə vacib yer tutub. Bu, qarşılıqlı etimadın göstəricisidir. Artıq biz Azərbaycandan bəzi silah-sursat növlərinin ölkəmizə idxal olunması üçün müraciət edirik”.
