Nərgiz Cəlilovanın "Sevilənlər" verilişinin qonağı olan xalq artisti, xanəndə Əlibaba Məmmədov maraqlı açıqlama verib.
Sənətkar deyib ki, onun oğlu 62 yaşında yenidən ata olub. Bunu Allahın qisməti adlandıran xalq artisti 4 aylıq nəvəsinə bağlandığını bildirib:
"86 yaşım var, 4 aylıq nəvəm var. Oğlumun evində yaşayıram. Hər gün nəvəmi sevirəm. Darıxıram ondan kənarda. Allah hər adama bunu qismət eləmir".
Nərgiz Cəlilovanın "nəvə, yoxsa nəticə?" sualına belə cavab verib:
"Əlbəttə, nəvəm, 8 nəvəm var idi, bu doqquzuncudur. 14 nəticəm var. Oğlumun 62, gəlinimin 52 yaşı var. Bir şeyi ürəkdən istəyəndə Allah onu muradına çatdırır".
