Onlayn qəzet

Digər kateqoriyalar

Türkiyədə azərbaycanlı gənc qadının fəryadı - "2 yaşlı oğlumun üzünü görə bilmirəm "

22:16 30.06.2019 Cəmiyyət 290
Azərbaycan vətəndaşı olan Dinar Sarməmmədova iki il ərzində evli olduğu Muhammed Vuralın və ailəsinin zorakılığına məruz qaldıqdan sonra boşandığını, məhkəmənin iki yaşlı oğlunun tərbiyəsi üçün hüququ ona verdiyini, lakin buna baxmayaraq, neçə aydır uşağını görə bilmədiyini deyib, DHA agentliyi məlumat yayıb.
 Virtualaz.org xəbər verir ki, 24 yaşlı Dinar Sarməmmədova Azərbaycanda pedaqoji ixtisas verən ali məktəb fakültəsini bitirdikdən sonra uzaq qohumu olan 25 yaşlı Muhammed Vuralla 2016-cı ildə ailə qurub və Iğdır vilayətinin Evci kəndinə gəlin köçüb. Gənc cütlük Vuralın anası ilə birgə yaşayıb və bir müddətdən sonra uşaqları dünyaya gəlib. Təxminən iki il sonra ailə Dinarın zorakılığa məruz qalması iddiası ilə məhkəməyə müraciətinə baxıldıqdan sonra dağılıb. Məhkəmə 2 yaşlı R.-in tərbiyəsi hüququnu anasına verib. Lakin Dinar aylardır ki, oğlunun üzünə həsrətdir. Uşağı ona göstərməkdən də imtina edirlər.
"Boşanmadan əvvəl heç bir əsasları olmadan uşağı əlimdən aldılar. Məcbur qalıb məhkəməyə müraciət etdim və boşanmaq istədiyimi bildirdim. 2019-cu ilin may ayında məhkəmə boşanma qərarı çıxardı və uşağın tərbiyəsi hüquqlarını da mənə verdi", - azərbaycanlı qadın deyir.
Lakin Iğdırda ekspert uşağın ailədə qalmasına qərar verib və Dinar Sarməmmədova Ankaraya gedərək, paytaxtda 4 nəfərlik psixoloq və ekspert heyətinin rəyini alıb. Həmin heyət uşağın anada qalmalı olduğunu müəyyənləşdirib.
"Bununla əlaqədar bütün rəsmi sənədlər əlimdədir. Onsuz da təhdid edirdilər, qərardan sonra isə heç bir qərara məhəl qoymayacaqlarını, topla-tüfənglə olsa da, uşağı verməyəcəklərini dedilər", - Dinar başına gələnləri danışır.
Bütün hüquqlarının ona məxsus olduğu oğlunu aylardır görə bilməyən Sarməmmədova səlahiyyətli orqanlardan və şəxslərdən kömək istəyib və kamera qarşısında göz yaşları töküb.

Oxşar xəbərlər

post-slider
Ekspert: İnsana telefon, televizor kimi ümumi ad vermək olmaz
09:32 07.01.2025
post-slider
Xəzər dənizində suitilərin kütləvi ölümünün səbəbi nədir?
05:15 07.01.2025
post-slider
İndoneziya BRİKS-in tamhüquqlu üzvü olub
20:33 06.01.2025
post-slider
SOCAR Türkiyəyə 7 milyard dollar sərmayə qoymağı planlaşdırır
20:03 06.01.2025
post-slider
Şimali Makedoniya Prezidenti Azərbaycana başsağlığı verib
19:19 06.01.2025
post-slider
Bakının bu rayonlarında qaz olmayacaq
17:16 06.01.2025

Xəbər lenti

Hamısına bax