Rəsmi məlumatlara görə, şəhidlərimizin sayı artıq 2855-dir. Bu isə o deməkdir ki, on minlərlə insanın gözü yaşlıdır. Bir o qədəri sarsılmış vəziyyətdədir. Amma istisnasız olaraq hər kəs - bütün Azərbaycan təşnə qaldığımız tarixi zəfəri indiyədək qeyd edir. Əlbəttə, buna görə ilk növbədə qəhrəmanlarımıza borcluyuq.
![](https://sherg.az/uploads/editor/5387ddc27084d511930a6578b514170d.jpg)
Odur ki, “Sherg.az” olaraq onları ictimaiyyətə tanıtmağa davam edirik. Şəhid Fərid Hüseynzadənin atası Eldəniz bəy bizimlə söhbətində oğlu barədə bunları deyib:
“2002-ci ilə anadan olub. Orta təhsilini başa vurandan sonra 2020-ci ilin iyulunda hərbi xidmətə çağırılıb. Beyləqandakı N saylı hərbi hissədə xidmət edib. Vətən müharibəsində döyüşüb.
Oktyabrın 14-də Füzuli istiqamətindəki hərbi əməliyyatlarda qəlpə yarası alaraq şəhadətə qovuşub. Əlbəttə, övlad itkisi ağırdır.
Amma oğlumla fəxr edirəm. O, cəmi iyirmi yaşında adını tarixə yazmağı bacardı”.