Brifinq zamanı jurnalistlər Ermənistan Baş naziri Nikol Paşinyana ABŞ Prezidenti Donald Trampın Votsap nömrəsinin olub-olmadığını soruşublar.
Teleqraf xəbər verir ki, Paşinyan isə cavabında nə təkzib, nə də təsdiqləyərək telefon əlaqə siyahısını dərc etmək istəmədiyini qeyd edib.
Jurnalist ona belə bir sual da verib: “Donald Trampın Votsap nömrəsi varsa, ona yazıb soruşardınız ki, çıxışlarında niyə Ermənistanı Albaniya adlandırır?”.
Ermənistan baş nazirinin cavabı belə olub:
“Hər hansı bir ölkənin lideri və istənilən şəxs lazım gəldikdə öz səhvlərini düzəldir və ABŞ prezidenti son paylaşımları da daxil olmaqla, bunu artıq edib”.
Xatırladaq ki, Donald Tramp bundan əvvəl ABŞ KİV-ə verdiyi iki müsahibəsində Ermənistanı Albaniya adlandırmışdı.
