
Başqa yol yoxdur: Baş nazirin imzaladığı qərar təhlükələrin önlənməsi məqsədi daşıyır
Yusif Nəzərli
21:16 05.04.2022
Cəmiyyət
961
Elçin Bayramlı: "Qərarı dəstəkləyirəm, amma iaşə obyektlərinin təhlükəsizliyinə cavabdeh qurumlar konkretləşdirilməlidir"
Azərbaycanda “Qazdan istifadə Qaydaları”nda dəyişikliklər edilib. Bu barədə Baş Nazir Əli Əsədov qərar imzalayıb. Yeni qərara görə, qaz qurğularına texniki baxış üçün tələb olunan sənədlərin siyahısı genişləndirilib. Belə ki, Enerji Məsələlərini Tənzimləmə Agentliyi tərəfindən sənaye qaz qurğusunun istismarına icazə vermək üçün həmin qurğulara texniki baxış istehlakçıların təqdim etdiyi sənədlərlə yanaşı ərizə də təqdim edilməlidir.
Bundan əlavə, həmin qaydalar edilən əlavəyə görə, Enerji Məsələləri Tənzimlənmə Agentliyinə sənədlər barədə məlumat əldə etmək üçün dövlət orqanlarının və digər qurumların elektron informasiya ehtiyatlarından istifadə etmək səlahiyyəti verilib. Bu mümkün olmadığı halda, həmin sənədlərin təqdim edilməsi ərizəçidən tələb olunur.
Ehtimal edilir ki, məlum dəyişikliyin edilməsinə aprelin 3-ü paytaxta gecə klubunda baş vermiş partlayışın da təsiri var. Partlayışa səbəb gecə klubunda qaz balonundan istifadənin olduğu bildirilir. Qərar “daldan atılan daş” misalını xatırlatsa da, “gec olsun, güc olsun”, məsəli də yerinə düşür. “Qazdan istifadə qaydalarına dəyişiklik” kafe-restoran, gecə klubları, barlarda qeyri-standart qaz cihazlarından istifadənin önünü kəsəcəkmi?

Sosioloq Elçin Bayramlı “Şərq”ə açıqlamasında qeyd etdi ki, bürokratiyanın əleyhinə olmasına baxmayaraq, bu qərara müsbət yanaşır:
- Mən adətən sahibkarlara, ümumiyyətlə, vətəndaşlara yaradılan bürokratik əngəllərin həmişə əleyhinəyəm. Çünki yerli-yersiz problemlər yaradırlar.
Lakin təhlükəsizlik məsələlərində, düşünürəm ki, başqa yol yoxdur. Paytaxtda istər iaşə obyektləri, istərsə də yaşayış binaları, mağazalar, marketlər, ticarət köşkləri bir-birinə o qədər sıx yerləşir ki, birində təhlükə yarananda, dərhal ətrafdakılara da sıçrayır. Biz bu cür halları tikinti materialları bazarında, pərakəndə satış bazarlarında da müşahidə etmişik. Yanğın dərhal digər obyektlərə keçir, ətrafdakılar da zərər görür.
Bunun səbəbi odur ki, kim necə gəldi qaz, elektrik xətləri çəkib, necə gəldi istifadə edir, təhlükəsizlik qaydalarına riayət edilmir, standartlar pozulur. Ona görə də Baş nazirin imzaladığı qərar, əslində müsbətdir. Təhlükələrin önlənməsi məqsədi daşıyır. Mən bu qərarı dəstəkləyirəm. Ancaq qərar nəyəsə əsaslanmalıdır. İaşə obyektlərinin təhlükəsizliyinə cavabdeh qurumlar konkretləşdirilməlidir.
Deyək ki, hər hansı obyektdə qaz qurğusundan istifadə edilirsə, onun standartlara uyğun olub-olmadığı “Azəriqaz” tərəfindən yoxlanmalı, fəaliyyətə icazə verilməlidir.
Əgər belə bir icazə yoxdursa və obyektdə hansısa qəza baş veribsə, o zaman biz vətəndaş cəmiyyəti olaraq sahibkarı müdafiə edə bilməyəcəyik. Çünki bu halda günahkar standartlardan kənar obyekt işlədən sahibkar olacaq. Yox əgər “Azəriqaz” obyektdəki qaz cihazlarının işlədilməsinə icazə veribsə, o zaman biz dövlət qurumunu günahlandıra bilərik. Eyni məntiq Fövqəladə Hallar Nazirliyini də əhatə edir.
Hadisə baş veribsə, günahkar mütləq olmalıdır. Qazdan istifadə ciddi məsələdir, cihazlar düzgün quraşdırılmalı, qaz xətləri müntəzəm yoxlanmalıdır. Qayda-qanun olmalıdır, standartlar dəqiq müəyyənləşməlidir.
Oxşar xəbərlər
Xəbər lenti
Hamısına bax
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial