Naxçıvan Muxtar Respublikasında toyların keçirilməsinə icazə verilib.
Sputnik Azərbaycan bildirir ki, bu barədə Azərbaycan 24 portalına Naxçıvan MR-dən məlumat daxil olub.
Məlumata görə, şadlıq evlərinə qonaqların sayı 40 nəfəri keçməməklə toy məclislərini təşkil etmək icazəsi verilib. Elə dünən bir toy məclisinin keçirildiyi bildirilir.
Qeyd edək ki, Azərbaycanda artıq bir ilə yaxındır ki, toyların keçirilməsinə icazə verilmir. Ölkə ərazisində xüsusi karantin rejiminin müddəti isə cari ilin iyunun 1-dək uzadılıb.
