Natia Turnava Gürcüstan Milli Bankının prezidenti təyin olunub.
Teleqraf xəbər verir ki, bu barədə ölkə prezidenti Mixeil Kavelaşvili sərəncam imzalayıb.
N.Turnava bankın birinci vitse-prezidenti idi və prezidenti əvəz edirdi. O, 2022-ci ilin iyunundan bankın İdarə Heyətinin üzvü olub. İdarə Heyətinin bu gün keçirilən iclasında N.Turnavanın bankın prezidentliyinə namizəd kimi irəli sürülməsi barədə yekdilliklə qərar verilib.
N.Turnava Gürcüstan Milli Bankının tarixində prezident vəzifəsini tutan ilk qadın olub.
Qeyd edək ki, N.Turnava 2019 -2022-ci illərdə Gürcüstanın iqtisadiyyat və dayanıqlı inkişaf naziri vəzifəsində çalışıb.
