“Azərbaycan və Ermənistan arasında sərhədin delimitasiya və demarkasiyası prosesi davam edir”.
Teleqraf xəbər verir ki, bunu Ermənistan xarici işlər naziri Ararat Mirzoyan deyib.
Onun sözlərinə görə, hazırda bəzi metodik müzakirələr aparılır.
Mirzoyan qeyd edib ki, delimitasiya və demarkasiyanın Almatı Bəyannaməsi əsasında aparılacağı güman edilir:
“Azərbaycana məxsus, amma bizim nəzarətimizdə olan məntəqələr (anklavlar) Azərbaycana, Ermənistan ərazisi olan, amma Azərbaycanın nəzarətində olan hissə isə Ermənistana qaytarılacaq. Komissiyaların işinin mənası budur”.
Azərbaycana qaytarılacaq anklavlara gəlincə, söhbət Barxudarlı, Yuxarı Əskipara, Sofulu və Kərki kəndlərindən gedir. Ermənistan isə Gədəbəy rayonu ərazisində yerləşən Başkəndə iddia edir.
