Ermənistan parlamentinin sədri Alen Simonyan Çin Xalq Siyasi Məşvərət Şurasının Milli Komitəsinin sədr müavini Su Hui ilə görüşüb.
Teleqraf xəbər verir ki, bu barədə Ermənistan parlamentinin mətbuat xidməti məlumat yayıb.
Həmsöhbətlərin müzakirələrində Ermənistan və Çin arasında siyasi dialoqun və parlamentlərarası əməkdaşlığın inkişafı diqqət mərkəzində olub.
Ermənistanla Azərbaycan arasında sülhlə bağlı məsələlərə də toxunulub, bölgədə nəqliyyat yollarının açılması prosesinə xüsusi diqqət yetirilib.
