Yeni Zelandiya vətəndaşının gün ərzində 10 doza Covid-19 əleyhinə peyvənd qəbul etməsinin səbəbi məlum olub.
APA-nın “Figaro”ya istinadla məlumatına görə, sözügedən şəxs peyvənd olunmaq istəməyən şəxslərdən pul alaraq özü onların yerinə vaksin vurdurub.
Proses ayrı-ayrı xəstəxanalarda icra olunub. Sözügedən şəxsə pulu Covid-19 əleyhinə peyvənd olunmadan saxta sertifikat almaq istəyənlər verib. Ölkə qanunvericiliyinə görə, xəstəxanaya müraciət edənlərin şəxsiyyət vəsiqəsi təqdim etməsi məcburi deyil. Məhz buna görə də, həmin şəxs müalicə müəssisələrində ayrı-ayrı adamların adlarını verib.
