Çeçenistan rəhbəri Ramzan Kadırov rusiyalı jurnalist Vladimir Solovyovun şousuna silahla gəlib. O, qeyd edib ki, tapança Ukraynada istehsal olunub.
Sherg.az virtualaz.org-a istinadən bildirir ki, Solovyovun özü Çeçenistan liderinin şounun studiyasına gəlməsini "şərəf" adlandırıb.
Kadırov, "Rusiyanın maraqlarını müdafiə etmək", "bu şeytanları, banderçiləri, nasistləri məhv etmək" üçün Ukraynaya getməyə və "bu xüsusi əməliyyatda iştirak etməyə" hazır olan çeçen "könüllüləri" haqqında danışıb.
Kadırovun sözlərinə görə, Ukraynada "xüsusi əməliyyat" ləng gedir. O qeyd edib ki, buna səbəb "Rusiya Silahlı Qüvvələrinin mülki şəxslərin həyatını xilas etmək istəməsidir".
Kadırov vurğulayıb ki, o, bu əməliyyata komandir təyin edilsəydi, Xarkov və Kiyev tez bir zamanda "ukraynalı nasistlərdən azad ediləcəkdi": "Mən bu əməliyyata komandir təyin edilsəydim, artıq Xarkov və Kiyevi ələ keçirəcəkdim. Və orada bir bayraq asardım".
