Çinin materik hissəsində bir sutkada 2 461 yeni kəskin koronavirus infeksiyası qeydə alınıb.
Bu barədə Çin Xalq Respublikasının Dövlət Səhiyyə Komissiyası məlumat verib.
Bildirilir ki, onlardan 2 388-i ölkə daxilində aşkarlanıb.
Bundan əlavə, ölkə daxilində daha 1 226 asimptomatik hal aşkar edilib.
Səlahiyyətlilər tərəfindən görülən sərt tədbirlərə, o cümlədən karantin rejiminə baxmayaraq, infeksiyanın yayılması davam edir. Dövlət Səhiyyə Komitəsinin martın 17-nə olan məlumatına görə, ölkə daxilində 1 226 yoluxma, 1 206 asimptomatik yoluxma halı qeydə alınıb.
Pandemiyanın başlanğıcından bəri Çinin materik hissəsində ümumilikdə 126 324 COVID-19 infeksiyası və koronavirusla əlaqəli xəstəliklərdən 4 636 ölüm halı aşkar edilib.
Mənbə: İnterfaks
