Ağ Ev Abbasın Putinlə söhbətində ABŞ-a etimadın itirilməsi ilə bağlı sözlərindən “məyusdur"
Ağ Ev Fələstin Prezidenti Mahmud Abbasın Rusiya Prezidenti Vladimir Putinlə söhbətində ABŞ-a olan etimadın itirilməsi ilə bağlı açıqlamalarından "dərin məyus olduğunu" bildirib.
Trend xəbər verir ki, bu barədə şənbə günü "Axios" portalı ABŞ Milli Təhlükəsizlik Şurasının nümayəndəsinə istinadən məlumat yayıb.
"Ağ Ev Fələstin Prezidenti Mahmud Abbasın Rusiya Prezidenti Vladimir Putinə Co Bayden administrasiyasına etimadını itirdiyini söyləməsindən "dərin məyus olub", - deyə məqalədə bildirilir.
Poratlın həmsöhbətinin sözlərinə görə, Fələstin Prezidentinin sözləri Ağ Evdə “qəzəb” yaradıb və C.Bayden administrasiyasının rəsmiləri bunu Mahmud Abbasın müşavirlərinin diqqətinə çatdırıblar.
