Avropanın bir çox ölkəsində minlərlə insan Fələstin xalqına dəstək üçün meydanları doldurdu. Nümayişçilər “Bu, müharibə deyil, soyqırımdır”, “Qatil Netanyahu”, “Azad Fələstin” kimi şüarlar səsləndirərək İsraillə yanaşı ABŞ və Avropa İttifaqına (AB) də reaksiya veriblər.
Sherg.az xəbər verir ki, “Madrid Fələstin və Unitar Assambleya” adlı təşkilatın çağırışı ilə təşkil edilən nümayişə toplamda 187 dərnək və təşkilatın dəstək verdiyi aksiyaya Avila, Barselona, Sevilya, Valyadolid, Leon, Bilbao və Burqos da daxil olmaqla İspaniyanın 20 şəhərindən minlərlə insan Madridə gəlib.
Şəhərin mərkəzində “Hər zaman Fələstin müqaviməti ilə” başlığı ilə keçirilən yürüşdə əllərində Fələstin bayraqları daşıyan ispanlar “İsraili boykot edin”, “Bu, müharibə deyil, soyqırımdır”, “Qatil Netanyahu”, “Azad Fələstin”, "Ədalət", "İsrail vurur" ", ABŞ və AB sponsorluq edir" şüarları səsləndirilib.
Bir qrup ispan İsrailin Qəzza zolağına hücumları zamanı həlak olan fələstinli mülki şəxslərin fotoşəkillərini nümayiş etdirərək, İsraili soyqırımda ittiham edən şüarlar səsləndirib.
İtaliyanın paytaxtı Romada yürüşün başlayacağı nöqtə olan Vittorio Emanuele meydanında toplaşan 3 mindən çox nümayişçi həm nümayiş haqqının qadağan edilməsinə, həm də İsrailin Qəzzaya hücumlarına etiraz olaraq mitinq keçirib.
Etirazçılar tez-tez "Fələstinə azadlıq" şüarları səsləndiriblər.
Romada keçirilən aksiyada təhlükəsizlik qüvvələrinin nümayişçilərin gedişinə mane olan ərazini möhkəm mühasirəyə alması, helikopterlərlə havadan müşahidə aparması diqqət çəkib.
Hollandiyanın Vaalhavenmeydanına toplaşan yüzlərlə nümayişçi Fələstinə dəstək və Qəzzada baş verən qətliama diqqət çəkmək üçün maşınları ilə yürüş təşkil ediblər.
Avtomobillərinə Fələstin bayraqları və “Zülm yox, azadlıq zamanı” və “Fələstinə azadlıq” sözləri yapışdıran nümayişçilər şəhərin mərkəzi nöqtələrindən və Erasmus körpüsündən keçiblər.
Etiraz zamanı marşrut boyu Fələstinə dəstək şüarları səsləndirilib və nümayişçilər korna çalaraq Qəzzada baş verən qətliama diqqət çəkiblər.
Polis geniş təhlükəsizlik tədbirləri görüb və marşrut boyu yolları nəqliyyatın hərəkətinə bağlayıb.
