Rusiya Ermənistan və Cənubi Qafqaz məsələsində yeni taktika seçir, ən yaxşı variant kimi yumşaq dillə danışmağı üstün tutur. Amma əsas məsələ kimə qarşı yumşaq tərzdə danışmaq, kimə qarşı aqressiv münasibət göstərməkdir. Rusiya Ermənistanı sıxdıqca Ermənistan Qərbə doğru daha çox meyillənir. Bu da Rusiyanın içində narahatlıq yaradır. Düşünürəm ki, Rusiya bu addımlarla Ermənistanı bitirə bilər. Çünki Ermənistan faktiki olaraq 5 aprel 2024-cü il anlaşması ilə ABŞ və Aİ-ni Cənubi Qafqaza gətirmək üçün hüquqi baza formalaşdırdı. Bu, həm də Rusiya daxilindəki erməni diasporasına da hesablanmış bir addım kimi dəyərləndirilə bilər. Hər vəziyyətdə Rusiyanın atdığı bu addım Cənubi Qafqazı Ermənistanı itirməmək məqsədi ilə atılmış addım kimi dəyərləndirilməlidir. Ona görə ki, Rusiya Ermənistanı çox sıxdıqca onu itirməyə başlayır. Ermənistan artıq Rusiyanı Zvartnost hava limanından çıxartmağa çalışır. Yaxın gələcəkdə rus hərbçilərinin Ermənistanı tərk etməsi üçün Ermənistan əhalisi tələb edə bilər ki, bu da Rusiyanın Cənubi Qafqazdan çəkilməsi demək olar. Ona görə də görünür, Rusiya Ermənistan hakimiyyətini bir az həm qorxutmaq istəyir, həm də yumşaq davranmağa çalışır ki, əllərində saxlıya bilsinlər.
Rübab Əzizbəyli,
Azərbaycan Universiteti
